भुईंज : ‘किसन वीर साखर कारखाना यंदा आपला 50वा गळीत हंगाम साजरा करीत आहे. कारखान्याची सूत्रे शेतकरी सभासदांच्या विश्‍वासावर हाती घेतल्यानंतर सभासद, कर्मचारी आणि कारखान्यासाठी उपयुक्त घटकांनी घेतलेल्या सहकार्याच्या भूमिकेमुळे कार्यस्थळावर अनेक नवनवीन प्रकल्प उभे करता आले. याचा विशेष आनंद मला व माझ्या व्यवस्थापनास आहे, परंतु गेल्या काही वर्षात साखर उद्योग अनेक अडचणीतून मार्गक्रमण करीत आहे. नैसर्गिक आणि आर्थिक संकटामुळे आपल्या उत्पादकतेवर प्रतिकूल परिणाम झाला. या कठीण परिस्थितीमध्ये शेतकरी सभासद व कामगारांनी दाखविलेला चांगुलपणा आणि केलेल्या सहकार्याबद्दल मी माझे व्यवस्थापन कृतज्ञता व्यक्त करतो. आजपर्यंत अनेक संकटे उभी राहिली. परंतु, आपल्या सर्वांच्या सहकार्याच्या भावनेतून त्या संकटावर मात करता आली आणि येणार्‍या अरिष्टांवरही शेतकरी सभासदांच्या विश्‍वासावर मात करणार आहे,’ असे प्रतिपादन  किसन वीर साखर कारखान्याचे अध्यक्ष मदनदादा भोसले यांनी केले.

येथील किसन वीर सातारा सहकारी साखर कारखान्याची सन 2019-20 रा आर्थिक वर्षाच्रा 49व्या अधिमंडळाची वार्षिक सर्वसाधारण सभा कारखान्राचे कार्रस्थळावरून कोरोना विषाणूच्रा पार्श्‍वभूमीवर व शासनाच्रा आदेशानुसार ऑनलाइन पद्धतीने व्हिडीओ कॉन्फरन्सिंगद्वारे विविध विषरांवर विचार करण्रासाठी आयोजित करण्यात आली होती. त्यावेळी ते बोलत होते.

मदनदादा भोसले म्हणाले, कोरोनाच्या पार्श्‍वभूमीवर व शासनाच्या नियमानुसार ही सभा पहिल्यांदाच ऑनलाइन पद्धतीने होत असल्याचे सांगितले. तंत्रज्ञानाच्या युगात शेतकरी बांधवांनी जास्तीत जास्त ऑनलाईन नोंदणी करून सभेत उपस्थिती दाखवत जो व्यवस्थापनावर विश्‍वास दर्शविला त्याबद्दल सर्वांचे आभार मानावे तेवढे थोडे आहेत. कारखान्याची सूत्रे हाती आल्यानंतर कारखान्यावर अनेक नवनवीन प्रकल्प उभारले. शेतकरी हिताचे निर्णय घेत असताना संस्थेचे नुकसान होऊ नये याची दक्षता नेहमीच घेत आलो. संस्थेच्या हितास बाधा येईल, असे वर्तन कधीही माझ्याकडून अथवा व्यवस्थापनाकडून झालेले नाही व यापुढील काळातही होणार नाही. शेतकरी सभासद हे कारखान्याचे मालक असून त्यांना कारखान्याविषयी माहिती जाणून घेण्याचा अधिकार आहे. उपाध्यक्ष गजानन बाबर यांनी आभार मानले. यावेळी ऑनलाईन सभेत सभासदांनी विचारलेल्या प्रश्‍नांची समर्पक उत्तरे अध्यक्ष मदनदादा भोसले यांनी सभासदांना दिली.

यावेळी विषय पत्रिकेवरील सर्व ठराव एकमताने मंजूर झाले. स्वागत संचालक नंदकुमार निकम यांनी केले. दुखवट्याचा ठराव संचालक चंद्रकांत इंगवले यांनी मानले. विषय पत्रिकेचे वाचन सचिव एन. एन. काळोखे यांनी केले. 

यावेळी संचालक सीए सी. व्ही. काळे, चंद्रकांत इंगवले, रतनसिंह शिंदे, नंदकुमार निकम, सचिन साळुंखे, नवनाथ केंजळे, राहुल घाडगे, प्रवीण जगताप, प्रताप यादव-देशमुख, मधुकर शिंदे, सयाजी पिसाळ, चंद्रसेन शिंदे, प्रकाश पवार-पाटील, मधुकर नलवडे, विजय चव्हाण, अरविंद कोरडे, विजया साबळे, प्रभारी कार्रकारी संचालक अशोक शिंदे उपस्थित होते.