सातारा : सातारा शहरातील कला वाणिज्य कॉलेज, कोटेश्वर मैदानासमोर सातारा शहर नगरपरिषद व शिक्षण मंडळ यांच्या संयुक्त विद्यमाने महाराष्ट्रात पहिल्यांदाच नगरपालिकेच्या विद्यार्थ्यांसाठी मोफत व्यक्तिमत्व विकास उन्हाळी शिबिराचे आयोजन करण्यात आले होते. हे शिबिर दिनांक 24 एप्रिल 2026 ते 29 एप्रिल 2026 या कालावधीत उत्साहात पार पडले.  या शिबिरामध्ये विद्यार्थ्यांना योगासन, नृत्य, इंग्लिश स्पीकिंग कोर्स, चित्रकला, अबॅकस प्रशिक्षण यांसह पौष्टिक नाश्त्याची सुविधा देण्यात आली. विद्यार्थ्यांच्या सर्वांगीण विकासासाठी विविध उपक्रम राबविण्यात आले.  या उपक्रमासाठी महाराष्ट्रातील नंबर वन अबॅकस संस्था ‘सक्सेस अबॅकस’ यांचे विशेष सहकार्य लाभले. संस्थेचे संस्थापक अध्यक्ष माननीय किरण पाटील यांनी सामाजिक दायित्व जपत नगरपालिकेच्या पाचशेहून अधिक विद्यार्थ्यांना सक्सेस अबॅकसच्या वतीने 500 स्कूल बॅगचे वाटप केले.  या उपक्रमाचा मुख्य उद्देश नगरपालिकेच्या शाळांमधील पटसंख्या वाढविणे, शाळाबाह्य विद्यार्थ्यांना पुन्हा शिक्षणाच्या प्रवाहात आणणे तसेच मराठी भाषेचा प्रसार व प्रचार करणे हा असल्याचे आयोजकांनी सांगितले. यावेळी सातारा जिल्ह्याचे नवीन पोलीस अधीक्षक निखिल इंगळे, नगराध्यक्ष अमोल मोहिते, शिक्षण, क्रीडा व सांस्कृतिक कार्य समितीचे सभापती शंकर किर्दत, शंकर माळवदे, पंकज चव्हाण, वनिता शिंदे, पुनम निकम, अपर्णा बाचल, अनिता फरांदे, जयश्री जाधव, रीना भणगे, सुनीलकुमार भंडारी आदी मान्यवर उपस्थित होते.