कराड तालुका खरेदी विक्री संघाच्या 2022-23 ते 2027-28 पंचवार्षिक निवडणुकीत 17 जागांसाठी 17 उमेदवारी दाखल झाले होते. आज अर्ज छाननीमध्ये सर्वच्या सर्व 17 अर्ज वैध ठरल्याने ही निवडणूक बिनविरोध  झाल्याचे स्पष्ट झाले आहे. माजी मंत्री स्व. विलासराव पाटील उंडाळकर यांच्या नेतृत्वाखाली सलग 9 पंचवार्षिक व काँग्रेसचे प्रदेश सरचिटणीस, रयत कारखान्याचे चेअरमन अ‍ॅड. उदयसिंह पाटील उंडाळकर यांच्या नेतृत्वाखाली ही निवडणूक बिनविरोध होत असल्याने सलग 10 पंचवार्षिक बिनविरोध निवडणुकीची परंपरा कायम राहिली आहे.

कराड तालुका खरेदी विक्री संघाच्या निवडणुकीसाठी 27 ऑक्टोबर ते 1 नोव्हेंबर अर्ज भरण्याची मुदत होती. आज 3 नोव्हेंबरला अर्जची छाननी तर दि. 18 पर्यंत अर्ज मागे घेण्याची मुदत आहे. दि. 21 नोव्हेंबरला निकाल असा निवडणुक कार्यक्रम जाहीर करण्यात आला होता. संघाच्या 17 जागांसाठी 17 उमेदवारी अर्ज दाखल होते. यामध्ये रंगराव थोरात, हणमंतराव चव्हाण, उत्तम जगताप, बाजीराव पाटील, प्रताप कणसे, अनिल मोहिते, श्रीमंत काटकर, कैलास साळवे, यशवंत डुबल, जगन्नाथ मोरे, मच्छिंद्र बानुगडे, जगन्नाथ थोरात, रंजना पाटील, शालन जाधव, दिलीप भिसे, महेश पाटणकर, किसन चव्हाण यांचे उमेदवारी अर्ज दाखल झाले होते. हे सर्वच्या सर्व 17 अर्ज आज छाननीमध्ये वैध ठरले आहेत.  माजी मंत्री स्व. विलासराव पाटील उंडाळकर यांच्या नेतृत्वाखाली संघाचे काम उत्कृष्ठ सुरू असल्यामुळे 1974 पासून सलग 9 पंचवार्षिक निवडणुक बिनविरोध झाली होती. हीच परंपरा कायम ठेवत काँग्रेसचे प्रदेश सरचिटणीस व रयत कारखान्याचे चेअरमन अ‍ॅड. उदयसिंह पाटील उंडाळकर यांच्या नेतृत्वाखाली ही निवडणूक बिनविरोध झाली आहे.