कराड शहर पोलिस ठाण्यातील पोलिस हवालदार प्रशांत पाटील यांची पोलिस उपनिरीक्षकपदी निवड झाली आहे. प्रशांत पाटील यांचे मुळगाव तांबवे असुन त्यांनी पहिली ते सातवीपर्यंतेच शिक्षण आरेवाडीतुन तर आठवी ते दहावी पर्यंतचे शिक्षण तांबवेतील स्वातंत्र्य सैनिक आण्णा बाळा पाटील विद्यालयातुन पुर्ण केले. त्यानंतर बापुजी साळुंखे महाविद्यालयातुन त्यांनी पदवीचे शिक्षण पुर्ण केले. त्यानंतर १ फेब्रुवारी १९९४ साली ते जिल्हा पोलिस दलात रुजु झाले. त्यावेळी तत्कालीन पोलिस अधिक्षक अशोक कामटे यांच्यासमवेत त्यांनी काम केले. त्यानंतर त्यांनी पोलीस मुख्यालय, स्थानिक गुन्हे अन्वेषण शाखा, सातारा तालुका पोलीस ठाणे, कराड तालुका पोलीस ठाणे, सातारा वाहतूक शाखा येथे काम केले. सध्या ते कराड शहर पोलिस ठाण्यात कार्यरत होते. त्यांनी पोलिस विभागीय खात्यांतर्गत पोलीस उपनिरीक्षक पदासाठी परीक्षा दिली होती. त्यामध्ये त्यांची पोलीस उपनिरीक्षक पदासाठी निवड झाली आहे. त्याबाबतचे पत्र सातारा पोलीस अधीक्षक समीर शेख यांनी त्याला दिले आहे. श्री. पाटील यांच्या निवडीबद्दल पोलिस अधिक्षक श्री. शेख, अतिरीक्त पोलीस अधीक्षक बापू बांगर, पोलिस उपाधिक्षक डॉ. रणजीत पाटील, वरिष्ठ पोलिस निरीक्षक बी. आर. पाटील यांच्यासह पोलिस अधिकारी, कर्मचारी यांनी त्यांचे अभिनंदन केले. ते नाशिक येथील महाराष्ट्र पोलीस अकादमीत पोलीस उपनिरीक्षक पदासाठीच्या मुलभूत प्रशिक्षणासाठी रवाना झाले आहेत.