जेव्हा पोटाला काहीच मिळणार नाही तेव्हा लोकं माणसाला मारून खातील, असं ऐकीवात होतं. या म्हणीला तंतोतंत खरे ठरावे याची प्रचिती फलटणकरांना बघावयास मिळाली. लॉकडाऊनमध्ये सर्वत्र बंद असल्याने पोटाची भूक शमविण्यासाठी काहीच मिळेना म्हणून एका मनोरुग्णाने सरणावर जळत असलेल्या अर्धवट कोविडग्रस्त मृतदेहाचे लचके तोडून आपली भूक शमविण्याचा प्रयत्न केला आहे. अंगावर शहारे आणणार्या या घटनेला पाहून मन सुन्न होत आहे.
फलटण : जेव्हा पोटाला काहीच मिळणार नाही तेव्हा लोकं माणसाला मारून खातील, असं ऐकीवात होतं. या म्हणीला तंतोतंत खरे ठरावे याची प्रचिती फलटणकरांना बघावयास मिळाली. लॉकडाऊनमध्ये सर्वत्र बंद असल्याने पोटाची भूक शमविण्यासाठी काहीच मिळेना म्हणून एका मनोरुग्णाने सरणावर जळत असलेल्या अर्धवट कोविडग्रस्त मृतदेहाचे लचके तोडून आपली भूक शमविण्याचा प्रयत्न केला आहे. अंगावर शहारे आणणार्या या घटनेला पाहून मन सुन्न होत आहे.
मानवावर आज हा किती भयानक प्रसंग ओढावला आहे.पुढे देखील जर असेच लॉकडाऊन चालू राहिल्यास जे लोक आज घरात बसून खात आहेत, त्या लोकांची देखील काही दिवसांनी अशीच भयानक अवस्था निर्माण होऊन ते देखील मनोरुग्ण होऊ नये, याकरिता शासनाने आता तरी गंभीर पावले उचलणे गरजेचे ठरत आहे. अन्यथा जे आज चांगले धडधाकट दिसत आहेत त्यांनाही मनोरुग्ण होण्यास विलंब लागणार नाही, हे सूर्यप्रकाशाइतके सत्य आहे. म्हणून सर्वाधिक आधी जे भिक्षूक, मनोरुग्ण तथा हातावर पोट असणार्यांच्या पोटापाण्याचा योग्य बंदोबस्त करणे नितांत गरजेचे ठरत आहे.
फलटण शहरातील राव रामोशी पुलानजीक असलेल्या कोरोना मृतदेह अंत्यसंस्कार स्मशानभूमीमध्ये घडलेला प्रकार हा अत्यंत धक्कादायक असून. मनोरुग्ण तिथे पोहोचलाच कसा, बर्याच जणांनी सुरक्षा यंत्रणेची मागणी करून देखील सुद्धा फलटण प्रशासनाने यात कुठलीही दखल न घेतल्यामुळे हा प्रकार घडला असून. हा मनोरुग्ण कोरोना बाधित होण्यास वेळ लागणार नाही. तसेच हा मनोरुग्ण शहरात खुलेआम फिरल्यामुळे इतर लोकांना संसर्ग होण्यास वेळ लागणार नाही. आणि दुसरी बाजू देखील फलटण प्रशासनाची चुकत असून प्रशासन मृतदेह अंत्यसंस्कार करायला पण आठ-नऊ तास लावत आहेत. मृतदेह तसेच आठ-नऊ तास हॉस्पिटलमध्ये बॉडी रँप न करता राहत असून हॉस्पिटलमधील नर्स, डॉक्टर, स्टाफ बरे होत असलेल्या रुग्णांना मृतदेह यापासून संसर्गाचा धोका जास्त निर्माण होत आहे. नातेवाइकांना ताटकळत बसावे लागत आहे. या प्रकरणाची सखोल चौकशी होऊन दुर्लक्ष होत असल्या कारणाने संबंधितांवर गुन्हे दाखल होणे गरजेचे आहे.
कोळकी ग्रामपंचायतीच्या हद्दीत असणार्या स्मशानभूमीत कोरोना बाधित मृतदेहावर अंत्यसंस्कार केले केले जात आहेत. शासनाने ही स्मशानभूमी अधिकृत केली असून, नगरपालिकेचे कर्मचारी तेथे अंत्यसंस्कार करतात. नगरपालिकेला त्या स्मशानभूमीवर खर्च टाकता येत नाही किंवा रखवालदार ही नेमता येत नाही, तेथे सोई-सुविधा आणि रखवालदार नेमण्यासाठी वरिष्ठ अधिकार्यांकडे पत्रव्यवहार केलेला आहे. सदरच्या वेडसर इसमाला नगरपालिकेच्या कर्मचार्यांनी पकडून पोलिसांकडे स्वाधीन केलेले आहे.
- प्रसाद काटकर, मुख्याधिकारी, फलटण नगरपरिषद.
संबंधित मनोरुग्णास पोलिसांकडे केले स्वाधीन
मानवी मृतदेहाचे अवयव खाणार्या सदर वेडसर इसमास संध्याकाळी साडेपाचच्या सुमारास जिंती नाका येथे फलटण नगरपरिषदेच्या कर्मचार्यांनी पकडून फलटण शहर पोलिससांकडे सुपूर्द केले आहे. सदर वेडसर इसमास मानवी मृतदेह खाण्याची चटक लागल्याने तो कोरोना बाधित होण्याबरोबर बाहेर राहिला तर खूप धोक्याचे ठरणार आहे, त्यामुळे त्याची रवानगी कोठे करावी? हा मोठा प्रश्न निर्माण होणार आहे.
