कराड : मलकापूर फाटा ता. कराड येथे बुधवारी सकाळी पावणे अकराच्या सुमारास पाच जणांनी एकास धारदार शस्त्राने भोकसल्याची घटना घडली आहे. घटनेनंतर मारेकरी घटनास्थळावरून फरार झाले असून जखमीला उपचारार्थ कृष्णा रुग्णालयात दाखल करण्यात आले आहे.
विश्वास हणमंत येडगे (रा. अहिल्यानगर, मलकापूर) असे जखमी झालेल्याचे नाव आहे.
याबाबत घटनास्थळावरून मिळालेली माहिती अशी, लहान मुलांच्या कारणावरून मंगळवारी रात्री वादावादी व भांडण झाले होते. त्याचा राग मनात धरून बुधवारी सकाळी अकराच्या सुमारास मलकापूर फाटा येथील उपमार्गावर पाच जणांनी विश्वास येडगे यांना धारदार शस्त्राने भोकसले आहे. घटनेनंतर मारेकरी फरार झाले असून जखमीला उपचारार्थ कृष्णा रुग्णालयात दाखल करण्यात आले आहे. घटनेची माहिती मिळताच कराडचे पोलिस उपाधीक्षक डॉ. रणजीत पाटील, कराड शहरचे वरिष्ठ पोलीस बी. आर. पाटील यांच्यासह पोलिस घटनास्थळी दाखल झाले आहेत.
