महात्मा फुले कृषी विद्यापीठ राहुरी संचलित श्रीमंत शिवाजीराजे उद्यानविद्या महाविद्यालय, फलटण यांच्या मार्गदर्शनाखाली ग्रामीण उद्यानविद्या कार्यानुभव कार्यक्रमांतर्गत माण तालुक्यातील पळशी येथे वृक्षारोपण करण्यात आले.
पळशी : महात्मा फुले कृषी विद्यापीठ राहुरी संचलित श्रीमंत शिवाजीराजे उद्यानविद्या महाविद्यालय, फलटण यांच्या मार्गदर्शनाखाली ग्रामीण उद्यानविद्या कार्यानुभव कार्यक्रमांतर्गत माण तालुक्यातील पळशी येथे वृक्षारोपण करण्यात आले. यामध्ये वेगवेगळ्या प्रकारची वृक्ष लावण्यात आल्याची माहिती प्रशिक्षणार्थी अविनाश गंबरे यांनी दिली.
सातव्या सत्रातील विद्यार्थ्यांनी शेतकर्यांना प्रशिक्षण व शेती संवर्धन याविषयी माहिती दिली. या कार्यक्रमाचा एक भाग म्हणून कृषिदूत अविनाश गंबरे व कृषिदूत विश्वजीत भोगले यांनी जि. प. प्राथमिक शाळा, पळशी येथे वृक्षारोपणाचा कार्यक्रम पूर्ण केला.
यावेळी पळशी गावचे पोलीस पाटील यशवंत गंबरे, शिक्षक शशिकांत खाडे व कृषिदूत उपस्थित होते.
या कार्यक्रमासाठी श्रीमंत शिवाजीराजे उद्यानविद्या महाविद्यालयाचे प्राचार्य डॉ. एस. डी. निंबाळकर, प्रा. ए. डी. पाटील व इतर सर्व प्राध्यापकांचे विशेष मार्गदर्शन लाभले.
