बंगळूरू : आक्षेपार्ह फेसबुक पोस्टवरून मंगळवारी रात्री बेंगळुरूमध्ये हिंसाचार उफाळला. पोलीस स्टेशनला आग लावण्यात आली. परिस्थितीवर नियंत्रण मिळवण्यासाठी पोलिसांना गोळीबार करावा लागला. त्यात 2 जणांचा मृत्यू झाला असून, 60 हून अधिक पोलीस जखमी झाले. यामध्ये अतिरिक्त पोलीस आयुक्तांचा समावेश आहे.
शहरातील डीजे हल्ली आणि केजी हल्ली पोलीस स्टेशन भागात हिंसाचार झाला. सध्या येथे कर्फ्यू लावण्यात आला आहे. त्याचबरोबर संपूर्ण बंगळुरूमध्ये कलम 144 लागू करण्यात आला असून, आतापर्यंत 110 लोकांना अटक करण्यात आली आहे.