येथील बबनराव सरतापे हे सर्वसामान्य पानपट्टी चालक आहेत. व्यवसायाबरोबर ते मनापासून हनुमानाची उपासनाही करतात. दरवर्षी ते हनुमान जयंतीदिवशी अनाथ शाळेतील विद्यार्थ्यांना अन्नदान वाटप, गोरगरिबांना मदत करत असतात.
वडूज : येथील बबनराव सरतापे हे सर्वसामान्य पानपट्टी चालक आहेत. व्यवसायाबरोबर ते मनापासून हनुमानाची उपासनाही करतात. दरवर्षी ते हनुमान जयंतीदिवशी अनाथ शाळेतील विद्यार्थ्यांना अन्नदान वाटप, गोरगरिबांना मदत करत असतात.
चालू वर्षी सर्वत्र लॉकडाऊन आहे. त्यामुळे हनुमान जयंतीचा कोठेच काही कार्यक्रम नाही. अशा परिस्थितीत त्यांनी गोरगरीब मुलांना मास्क व खाऊ वाटप करून आरोग्यदायी हनुमान जयंती साजरी केली.
अधीक्षक राजेंद्र वावरे, चंद्रकांत गलांडे, धनंजय क्षीरसागर, शरद कदम आदी मान्यवरांच्या हस्ते सामाजिक अंतर राखून साहित्य वाटप करण्यात आले. त्यांच्या या उपक्रमाचे परिसरात कौतुक होत आहे.
