निमसोड : निमसोड (ता. खटाव) येथील ग्रामपंचायतीच्या सरपंचपदी महेंद्र देशमुख तर उपसरपंचपदी शीतल सांगवे यांची बिनविरोध निवड करण्यात आली आहे.

निवडणूक निर्णय अधिकारी लोंडे यांच्या अध्यक्षतेखाली झालेल्या सदस्यांच्या बैठकीत या निवडी करण्यात आल्या. यावेळी ग्रामविकास अधिकारी ए. टी. माळी उपस्थित होते.

पंधरा सदस्य असलेल्या या ग्रामपंचायतीत हरणाई सूतगिरणीचे संस्थापक रणजितसिंह देशमुख यांच्या नेतृत्वाखालील सिद्धनाथ विकास पॅनेलने 9 जागेवर विजय मिळवला होता. 

यावेळी नूतन सरपंच महेंद्र देशमुख म्हणाले, ‘आपण सर्वांना बरोबर घेऊन  सर्वसामान्य जनतेचे प्रश्‍न सोडवण्यासाठी गावच्या सर्वांगीण विकासासाठी प्रयत्नशील राहणार आहे.’

यावेळी नवनिर्वाचित सरपंच महेंद्र देशमुख, उपसरपंच शीतल सांगवे व सदस्य यांचा रणजितसिंह देशमुख यांनी सत्कार करून सर्व सदस्यांचे अभिनंदन केले. 

यावेळी अभिजित देशमुख, लालासाहेब देशमुख, अ‍ॅड. सुभाषराव देशमुख, चेअरमन भीमराव घाडगे, मोहनराव देशमुख, शिवाजी घाडगे, प्रा. रामदास चौधरी, पोपट घाडगे, दिगंबर देशमुख, रामचंद्र घाडगे, युवराज घार्गे, संजय घार्गे, नीलेश घार्गे, नवनिर्वाचित सदस्य उपस्थित होते.